Молитва Пресвятой Богородице перед иконой Владимирская Мироточивая
 |
|
Молитва Пресвятой Богородице пред иконою Ее, именуемой «Владимирския-Мироточныя»
О Пресвятая Владычице Дево Богородице - надеждо и прибежище наше! Ты нам даровала сию, мироточием зде прославленную, Твою икону, пред неюже мы предстояще молимся: не отврати лица Твоего от нас, не отступи от нас за беззакония наша, но, яко Благая, приими нас под Свой покров. Огнь нечистоты и всякия скверны в нас морем благодати Твоея потопи, даждь нам познание собственных грехов и немощи, а человеческия хвалы - бегство. Жестокосердием и немилосердием ны отягченныя умягчи, даждь нам сопечаловатися ближним и памятозлобия избави, любовь сея жизни излишнюю и плотскаго покоя рачение отложи от нас, смерть же, суд, мучения, грешником уготованная, в памяти углуби, от всякия же злобы сердца наша отврати, да мирными усты прославим Тя - Владычицу нашу. Аминь.
Статья опубликована участником [tol] 2012-05-30. Со временем любая информация устаревает. Если Вы нашли ошибки или устаревшие сведения в этой статье, сообщите об этом.
В основной раздел 'Икона Пресвятой Богородицы Владимирская Мироточивая'.