Тропарь, кондак, величание Пресвятой Богородице перед иконой Псково-Покровская
 |
|
Тропарь Пресвятой Богородице перед Ея иконой, именуемой "Псково-Покровская"
Тропарь, глас 4
Днесь светло красуется Богоспасаемый град Псков и вся страна Российская пришествием Матери Бога Вышняго на избавление града сего от варварскаго пленения. Услыша плач и слезы раб Своих, скоро приклонися на мольбу к Сыну Своему и Богу нашему, и молением Своим гнев Божий укроти и весь мир просвети, и град сей от скорби на радость премени. О, дивному знамению, како Пресвятая Владычице прииде на воздусе и в церковь Свою и на забрало града Пскова и призва угодников своих, благоверных князей, и поноси в людех беззаконие. И Своею пречистою рукою указоваше на поганаго злаго варвара и его совет на разрушение. Возвеселися, Богоспасаемый граде Пскове и все Православие, имеюще такову Заступницу непобориму. Днесь притецем, вернии, в дом спасительный Владычицы Богородицы, светло празднуя, и ко святому Ея образу со слезами припадем, вопиюще и глаголюще: О Всемилостивая Госпоже Владычице Богоро-дице, молися Сыну Своему Христу Богу нашему спасти православныя люди и град сей избавити от огненнаго запаления и от нахождения поганых и междоусобныя брани, и спасти души наша яко Милосердая.
Статья опубликована участником [tol] 2012-05-30. Со временем любая информация устаревает. Если Вы нашли ошибки или устаревшие сведения в этой статье, сообщите об этом.
В основной раздел 'Икона Пресвятой Богородицы Псково-Покровская (Явление Богоматери старцу Дорофею)'.