Основные молитвы
Молитвы, которые должны быть всегда в голове
Видеоклипы молитв и песнопений из храмов и монастырей с текстами буду делать при наличии свободного времени и выкладывать на youtube, пользователь praviconcom. Для начала сделал 5 клипов с хором Валаамского монастыря.
Трисвятое, византийский распев
Свете Тихий, валаамский распев
Херувимская песнь (иже херувимы...), путевой распев
Достойно есть, греческое двухголосие
Богородице Дево, радуйся
Молитвы Господу Богу и Святому Духу.
Как молиться Господу в дороге или при работе.
Господи Иисусе Христе, Сыне Божий, помилуй меня грешного (повторять многократно).
Молитва Господня.
Отче наш, Иже еси на небесех! Да святится имя Твое, да приидет Царствие Твое,
да будет воля Твоя, яко на небеси и на земли. Хлеб наш насущный даждь нам днесь;
и остави нам долги наша, якоже и мы оставляем должником нашим; и не введи нас
во искушение, но избави нас от лукаваго. Яко Твое есть Царство и Сила и Слава
Отца, и Сына, и Святого Духа, ныне и присно, и во веки веков. Аминь.
Символ веры.
Верую во единаго Бога Отца, Вседержителя, Творца небу и земли, видимым же всем
и невидимым. И во единаго Господа Иисуса Христа, Сына Божия, Единороднаго, Иже
от Отца рожденнаго прежде всех век; Света от Света, Бога истинна от Бога истинна,
рожденна, несотворенна, единосущна Отцу, Имже вся быша. Нас ради человек и нашего
ради спасения сшедшаго с небес и воплотившагося от Духа Свята и Марии Девы,
и вочеловечшася. Распятаго же за ны при Понтийстем Пилате, и страдавша, и погребенна.
И воскресшаго в третий день по Писанием. И возшедшаго на небеса, и седяща одесную
Отца. И паки грядущаго со славою судити живым и мертвым, Егоже Царствию не будет
конца. И в Духа Святаго, Господа, Животворящаго, Иже от Отца исходящаго, Иже
со Отцем и Сыном спокланяема и сславима, глаголавшаго пророки. Во едину Святую,
Соборную и Апостольскую Церковь. Исповедую едино крещение во оставление грехов.
Чаю воскресения мертвых, и жизни будущаго века. Аминь.
Молитва Святому Духу.
Царю Небесный, Утешителю, Душе истины, Иже везде сый и вся исполняяй, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.
Молитва ко Пресвятой Троице.
Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.
Трисвятое.
Святый Боже, Святый Крепкий, Святый Безсмертный, помилуй нас.
Молитвы Пресвятой Богородице.
Как молиться Богородице в дороге или при работе.
Пресветая Богородица, спаси меня грешного (повторять многократно).
Богородице Дево.
Богородице Дево, радуйся, Благодатная Марие, Господь с Тобою; благословена
Ты в женах и благословен Плод чрева Твоего, яко Спаса родила еси душ наших.
Достойно есть.
Достойно есть яко воистинну блажити Тя, Богородицу, Присноблаженную и Пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.